पूर्वमन्त्री बस्नेतलाई कांग्रेसले बनायो सार्वजनिक लेखा समिति सदस्य

काठमाडौँ । पूर्वमन्त्री मोहनबहादुर बस्नेतलाई नेपाली कांग्रेसले सार्वजनिक लेखा समिति सदस्यमा पठाएको छ ।

प्रतिनिधिसभाको मंगलबारको बैठकले बस्नेतलाई सार्वजनिक लेखा समितिमा पठाउने प्रस्ताव पारित गरेको हो ।

प्रतिनिधिसभाको शिक्षा, स्वास्थ्य तथा सूचना प्रविधि समितिबाट बस्नेतलाई सार्वजनिक लेखा समिति सदस्यमा पठाएको हो ।

त्यस्तै, कांग्रेस सांसद सीता गुरुङलाई कानुन, न्याय तथा मानवअधिकार समितिबाट पूर्वाधार विकास समितिमा पठाइएको छ ।

सार्वजनिक लेखा समितिमा कांग्रेसबाट अर्जुननरसिंह केसी, दीपक गिरी, देवप्रसाद तिमलसेना, मञ्जु खाँण, राजेन्द्र केसी, रामकृष्ण यादव, श्याम घिमिरे र संजय गौतम सदस्य छन् ।