पाटनको कृष्ण मन्दिरमा भक्तजनको भीड

ललितपुर/ ११ भदौ, ललितपुरको पाटनस्थित कृष्ण मन्दिरमा आज साेमबार बिहानै भक्तजनको घुइँचो लागेको छ । आज श्रीकृष्ण जन्माष्टमीको अवसरमा पूजा आराधनाका लागि बिहानै कृष्ण मन्दिर भक्तजनहरुकाे घुँइचाे लागेको हाे

हिन्दु धर्मकाअनुसार द्वापर युगमा भाद्र कृष्णअष्टमीलाई कृष्ण जन्माष्टमी पर्वका रुपमा मानिन्छ । भाद्र कृष्ण अष्टमीकै दिन भगवान श्रीकृष्णको जन्म भएको विश्वासमा कृष्ण जन्माष्टमी पर्व मनाउने प्रचलन छ ।

धर्मग्रन्थमा उल्लेख भएअनुसार नै आज पाटनको कृष्ण मन्दिरमा पूजा आराधना हुँदै छ।

हरेक वर्ष जन्माष्टमीमा कृष्ण मन्दिरमा भक्तजनको भीड लाग्गे गर्छ । विगतका वर्षहरुमा भने कोरोनाका कारण मन्दिरमा भीड कम भएको थियो ।
मन्दिरमा पुजा अर्चनाका लागि मन्दिरका दक्षिण र उत्तर गरि दुई तर्फ लामबद्ध भक्तजनहरुकाे लामाे लाइन लागेकाे छ ।