पशुपति मित्र माविद्वारा निशुल्क स्वास्थ्य शिविरको आयोजना

काठमाडौं । काठमाडौंको चावहिलस्थित पशुपति मित्र माध्यमिक विद्यालयको आयोजनामा ‘वृहत निशुल्क स्वास्थ्य परिक्षण शिविर’ सम्पन्न भएको छ । काठमाडौं महानगरपालिका वडा नं. ७ को समन्वय तथा काठमाडौं मेडिकल कलेज, सिनामंगलको प्राविधिक सहयोगमा शुक्रबार उक्त शिविर आयोजना भएको हो ।

उक्त स्वास्थ्य शिविरमा सामान्य चिकित्सा, मनोरोग परामर्श, सामान्य सल्यक्रिया, स्त्रीरोग परीक्षण, बालरोग परीक्षण, हाड जोर्नी तथा नसा सम्बन्धी परामर्श, दन्त परामर्श, आँखा परीक्षण, प्याथोलोजी ल्याव सेवा तथा इसीजी र युएसजी ल्याव सेवाहरु निशुल्क रुपमा दिइएको थियो ।

शिविर सञ्चालनका लागि लाइफलाइन सोसाइटी ललितपुर र लाइफलाइन हेल्थ होम केयरले पनि प्राविधिक सहयोग उपलब्ध गराएका थिए भने अन्य सहयोगी संस्थाहरुमा पशुपति मित्र मावि अल्मनाइ एशोसिएशन, लायन्स क्लव अफ काठमाडौं युनिभर्सिटी टिचर्स, लायन्स क्लव अफ काठमाडौं साइबर वर्ल्र्ड, लायन्स क्लव अफ बागमती क्यान्सर केयर तथा लायन्स क्लव अफ चावहिल सहयोगी संस्थाका रुपमा सहभागी भएका थिए ।

मुख्य आयोजक रहेको पशुपति मित्र माध्यमिक विद्यालयका प्रधानाध्यपक यज्ञराज प्रसाईंले शिविरबाट १ हजार १ सयभन्दा बढी व्यक्तिहरु लाभान्वित भएको जानकारी दिए ।

शिविरबारे विस्तृत थाहा पाउन यो लिंकमा क्लिक गरेर भिडियो हेर्नुहोस् ।