परराष्ट्रमन्त्री देउवा आज बिहीबार स्वदेश फर्किँदै

काठमाडौं/ ६ भदौ, भारतको पाँच दिने भ्रमण पूरा गरी परराष्ट्रमन्त्री डा. आरजु राणा देउवा बिहीबार स्वदेश फर्किँदै हुनुहुन्छ । अपराह्न ३:३० बजे त्रिभुवन अन्तर्राष्ट्रिय विमानस्थल आइपुग्ने उहाँको सचिवालयले जनाएको छ।

भारतीय समकक्षी एस. जयशंकरको निम्तोमा उहाँ आइतबार भारत भ्रमणमा निस्कनु भएको थियोे। परराष्ट्रमन्त्री डा. देउवाले प्रधानमन्त्री नरेन्द्र मोदी, विदेशमन्त्री जयशंकर र भाजपा विदेश विभाग प्रमुख डा. विजय चौथाइवालेलगायतसँग भेटवार्ता गर्नुुभएकाे छ।

भेटका क्रममा नेपाल भारत सम्बन्ध, बहुआयामिक विविधता र द्विपक्षीय हितका विषयमा कुराकानी भएको थियो। व्यापार, कनेक्टीभिटी, हवाई रुट, विद्युतलगायत विषयमा गम्भीर छलफल भए पनि सीमामा देखिएका समस्याबारे भने कुरा हुन सकेन।

परराष्ट्रमन्त्री डा. देउवालाई प्रधानमन्त्रीसरह नै सम्मान र महत्त्व दिएपछि नेपालको राजनीतिक वृत्तमा निकै चर्चा चुलिएको छ।