न्युरोड फुटपाथ विस्तारको विरोधमा उत्रिए स्थानीय

मुग्लान न्युज २०८१ श्रावण ४, शुक्रबार , प्रकाशित समाचार

काठमाडौँ । न्युरोड फुटपाथ विस्तारमा स्थानीयले विरोध गरेका छन् ।

काठमाडौैँ महानगरापालिकाले न्युरोड क्षेत्रको फुटपाथ विस्तार कार्य थालेसँगै स्थानीयले पुनः अवरोध गरेका हुन् ।

स्थानीय विरोधमा उत्रिएपछि अहिले सो क्षेत्रमा उल्लेख्य मात्रामा नेपाल प्रहरी, नगरप्रहरी तैनाथ गरिएको छ ।

उच्च अदालतले फुटपाथ विस्तारको बाटो खोलिदिएपछि महानगरपालिकाले बुधबारदेखि पुनः फुटपाथ विस्तारको काम सुरु गरेको थियो । तर स्थानीयको अवरोधसँगै काममा बाधा पुगेको छ ।

यसअघि काठमाडौँ महानगरपालिकाले न्यूरोडमा फुटपाथ विस्तारका लागि सडकको कालोपत्रे समेत भत्काइसकेको अवस्थामा सडक डिभिजन कार्यालयले हस्तक्षेप गरेर सामान जफत गरी महानगरपालिकाले काटेको कालोपत्रे पनि टालेको थियो ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।