नेपाल श्रीलंका संयुक्त आयोगको पहिलो बैठक काठमाडौंमा

काठमाडौं । नेपाल श्रीलंका संयुक्त आयोगको पहिलो बैठक  परराष्ट्रमन्त्री एनपी साउद र श्रीलङ्काका  विदेशमन्त्री अली साब्रीको सहअध्यक्षतामा काठमाडौंको याक एन्ड यति होटलमा बैठक बसेको हो ।  नेपाली प्रतिनिधिमण्डलमा परराष्ट्रमन्त्री, परराष्ट्र सचिव, श्रीलंकाका लागि नेपाली राजदूत, वाणिज्य, गृह र परराष्ट्र मन्त्रालयका उच्च अधिकारी सहभागी छन् । श्रीलंकाको प्रतिनिधिमण्डलमा काठमाडौंस्थित श्रीलङ्काका राजदूत र परराष्ट्र मन्त्रालयका वरिष्ठ अधिकारीहरू रहेका छन् । मुख्य एजेन्डाः दुई देशबीचको व्यापार र लगानी अभिवृद्धि हवाई सम्पर्कमा वृद्धि संस्कृति, पर्यटन र शिक्षा आदानप्रदान क्षेत्रीय सहयोग लगायत सार्क र बिमस्टेक प्रक्रियालाई सुदृढ पार्ने बहुपक्षीय मञ्चहरूमा सहकार्य काठमाडौं-कोलम्बो हवाई सम्पर्कको सुरुवात उत्साहजनक छ। कोलम्बो र लुम्बिनीबीच हवाई सम्पर्कको सम्भावनाबारे छलफल भएको थियो । श्रीलङ्कामा थुनामा रहेका तीन नेपालीको स्थानान्तरणको सम्भावनाबारे दुई मन्त्रीबीच विचार आदानप्रदान भएको छ । दुई मन्त्रीले जलवायु परिवर्तनले आ-आफ्नो देशले भोग्नुपरेको गम्भीर असरबारे आदान-प्रदान गरेका थिए। उनीहरूले जलवायु न्याय, नोक्सान र क्षति कोषको प्रारम्भिक परिचालन र थप अन्तर्राष्ट्रिय सहयोगको आवश्यकतामा जोड दिए। सो अवसरमा आज पछि विज्ञान, प्रविधि र नवप्रवर्तनको क्षेत्रमा सहयोगसम्बन्धी समझदारीपत्रमा हस्ताक्षर हुने परराष्ट्र मन्त्रीको सचिवालय जनाएको छ ।