नारायणदत्त पौडेल सशस्त्र प्रहरीको १३औँ आईजीपी, दर्ज्यानी चिह्न ग्रहण

काठमाडौं । सशस्त्र प्रहरी बल, नेपालका नवनियुक्त महानिरीक्षक (आईजीपी) नारायणदत्त पौडेलले दर्ज्यानी चिह्न ग्रहण गरेका छन् ।सोमबार बिहान गृह मन्त्रालयमा आयोजित विशेष समारोहमा गृह सचिव राजकुमार श्रेष्ठले उनलाई दर्ज्यानी चिह्न प्रदान गरेका हुन् ।

पौडेल सशस्त्र प्रहरी बलका १३औँ आईजीपीका रूपमा जिम्मेवारी सम्हाल्न पुगेका छन् । मन्त्रिपरिषद्को वैशाख १४ गतेको निर्णयअनुसार उनलाई एआईजीबाट आईजीपीमा बढुवा गरिएको हो । यसअघि कार्यरत आईजीपी राजु अर्यालले चार वर्षे कार्यकाल पूरा गरी वैशाख १८ गतेबाट अवकाश पाएका थिए ।