Techie IT
  • The Film Nepal
  • २०८२ फाल्गुन २४ आईतवार

    अपडेट
    गृहपृष्ठसमाचारनगर प्रमुख तामाङद्वारा प्राकृतिक प्रकोपपछिको पुनर्निर्माणका लागि संघीय र प्रदेश सरकारको ध्यानाकर्षण

    नगर प्रमुख तामाङद्वारा प्राकृतिक प्रकोपपछिको पुनर्निर्माणका लागि संघीय र प्रदेश सरकारको ध्यानाकर्षण


    काठमाडौँ । मेलम्ची नगरपालिकाका नगर प्रमुख आइतमान तामाङले प्राकृतिक प्रकोपबाट क्षति पुगेको सार्वजनिक संरचनाहरुको पुनर्निर्माणका लागि संघीय र प्रदेश सरकारको गम्भीर ध्यानाकर्षण गराएका छन् ।

    जिल्ला प्रशासन कार्यालय, जिल्ला विपद व्यवस्थापन समितिद्वारा आइतबार मेलम्चीमा आयोजित बहुप्रकोपमा आधारित पूर्व सूचना प्रणाली तथा विपद् जोखिम न्युनिकरण सम्बन्धि नीतिगत छलफल तथा आगामी योजनाका विषयमा अन्तरक्रिया कार्यक्रममा आफ्नो धारणा राख्दै नगर प्रमुख तामाङले संघ र प्रदेश सरकारको समन्वय र सहयोगको अभावमा मनसुन जन्य विपदबाट क्षति पुगेका सार्वजनिक तथा व्यक्तिगत संरचनाहरुको पुनर्निर्माणमा कठिनाई भएको बताएका हुन् ।

    कार्यक्रममा पूर्व मन्त्री एवम माननीय सांसद मोहनबहादुर बस्नेत, माननीय सांसद माधव सापकोटा, बागमती प्रदेश सरकारका आन्तरिक मामिला तथा कानुन मन्त्री माननीय सुरज कृष्ण लामिछाने, पूर्व मन्त्री माननीय सांसद युवराज दुलाल, प्रदेश सांसदहरु माननीय कृष्ण कुमार तामाङ , माननीय सरल सहयात्री पौडेल, माननीय माइली लामा, माननीय कुमारी तामाङ , जिल्ला समन्वय समिति प्रमुख बालकृष्ण श्रेष्ठ , स्थानीय तहका प्रमुख र अध्यक्ष , उपप्रमुख र उपाध्यक्ष , सुरक्षा निकायका प्रमुखहरु एवम सरोकारवाला निकायका प्रतिनिधिहरुको सहभागिता थियो ।

    सामुदायिक विकास तथा वातावरण संरक्षण मञ्चले सहजीकरण गरेको कार्यक्रम प्रमुख जिल्ला अधिकारी भुपेन्द्र थापाको सभापतित्वमा सम्पन्न भएको थियो ।




    मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



    तपाईको प्रतिक्रिया दिनुहोस


    थप समाचार

    ४९ हजार भन्दा बढी मतले ओली पराजित, बालेन शाह विजयी

    काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता तथा प्रतिनिधिसभा सदस्य निर्वाचन अन्र्तगत झापा क्षेत्र नं ५ का उम्मेदवार

    रुपन्देही २ मा त्रिचालीस हजार मतान्तरमा रास्वपाका सुलभ विजयी

    काठमाडौँ । रुपन्देही– २ मा राष्ट्रिय स्वतन्त्र पार्टी (रास्वपा) का सुलभ खरेल विजयी भएका छन् । उनका निकट प्रतिस्पर्धी नेकपा

    भत्कियो नेमकिपाको गढ, रास्वपाका रन्जित विजयी

    भक्तपुर । भक्तपुर क्षेत्र नम्बर १ मा नेमकिपाको किल्ला भत्काउँदै राष्ट्रिय स्वतन्त्र पार्टी (रास्वपा)का रुकेश रन्जित विजयी भएका छन् ।

    पर्वतमा रास्वपाका सागर भुसाल विजयी

    काठमाडौं । प्रतिनिधिसभा सदस्य निर्वाचनअन्तर्गत पर्वतमा राष्ट्रिय स्वतन्त्र पार्टी (रास्वपा)का उमेदवार सागर भुसाल ११ हजारभन्दा बढी मतान्तरसहित विजयी भएका छन्

    तेह्रथुमबाट कांग्रेसका सन्तोष सुब्बा विजयी

    काठमाडौं । तेह्रथुमबाट प्रतिनिधि सभा सदस्य निर्वाचनमा नेपाली कांग्रेसका उम्मेदवार सन्तोष सुब्बा विजयी भएका छन् ।उनले नेकपा एमालेका उम्मेदवार भानुभक्त

    भारी मतान्तरले निर्वाचित भए रास्वपाका सभापति रवि लामिछाने

    काठमाडौं । रास्वपाका सभापति रवि लामिछाने निर्वाचित भएका छन् ।उनी ५४ हजार ४०२ मत ल्याएर निर्वाचित भएका हुन् ।उनका प्रतिस्पर्धी

    Techie IT