नगद सहित जुगाडे प्रकाउ

ललितपुर, कार्तिक २ । ललितपुरको महालक्ष्मी नगरपालिका–१ रातामकै चोकस्थित स्वाद रेस्टुरेन्टमा जुवातास चलिरहेको अवस्थामा प्रहरीले छापा मारी नगद आठ लाखभन्दा बढी सहित १० जनालाई नियन्त्रणमा लिएको छ।
प्रहरी वृत्त सातदोबाटोका अनुसार शनिबार दिउँसो करिब ४ बजे जिल्ला प्रहरी कार्यालय ललितपुरअन्तर्गत वृत्त सातदोबाटोबाट प्रहरी नायब निरीक्षक (प्र.ना.उ.) पूर्णिमा चन्दको कमाण्डमा खटिएको १५ जनाको टोलीले उक्त रेस्टुरेन्टको तेस्रो तलामा जुवातास खेलिरहेको अवस्थामा छापा मारेको थियो।
छापामारीका क्रममा खोलेको ३ बुक तास, नखोलेको ५ बुक तास र नगद आठ लाख पचहत्तर हजार एक सय बरामद गरिएको उ पत्यका प्रहरीआयुक्त कार्यालयले जानकारी दिएको छ।पक्राउ परेकामध्ये रेस्टुरेन्ट सञ्चालक जिवन थापा (४८), जो काठमाडौं चन्द्रागिरी नगरपालिका–१३ घर भई हाल महालक्ष्मी–४ स्वस्तिक टोलमा बस्दै आएका छन्, सहित अन्य नौ जना छन्।
पक्राउ पर्नेहरू : १. जिवन थापा (४८), काठमाडौं चन्द्रागिरी–१३, हाल स्वस्तिक टोल, ललितपुर २. दिपेश ऐर (३५), कैलाली घोडाघोडी–१, हाल टिकाथली ३. राकेश खड्का (४९), ललितपुर लुभु लामाटार ४. मनोज बानिया (५५), भक्तपुर सूर्यविनायक–१ ५. समिर सुनार (४२), नुवाकोट विदुर–३, हाल इमाडोल ६. पदम साउद (४२), डोटी दिपायल सिलगढी ७. सूर्य लामा (४२), काभ्रे पाँचखाल–११, हाल महालक्ष्मी–१ ८. रोजिन ठकुरी (४४), काठमाडौं महानगर–३२ ९. संजय खत्री (४२), ओखलढुंगा खिजिदेम्बा–४, हाल भक्तपुर दुधपाटी १०. विजय बिष्ट (३८), ललितपुर इमाडोल प्रहरीले पक्राउ परेकालाई थप अनुसन्धानका लागि वृत्त सातदोबाटोमा राखिएको जनाएको छ।