देशकै जेठो वीर अस्पताल १२९ औं वर्षमा, यो वर्ष ४ लाख बिरामीको उपचार

काठमाडौँ– नेपालको सबैभन्दा पुरानो वीर अस्पतालले आफ्नो  १३६औं वार्षिकोत्सव मनाएको छ । १३६ औं औं वर्षमा प्रवेश गरेको उपलक्ष्यमा अस्पतालले सोमबार  वार्षिकोत्सव कार्यक्रम सम्पन्न गरेको हो । विसं १९४७ साउन १२ गते श्री ३ वीर शमशेरको पहलमा स्थापित वीर अस्पताल  स्थापनाका समयमा १५ सैयाबाट सुरु भएको अस्पताल अहिले एक हजार बढी सैयामार्फत सेवामा छ।

स्पतालको उद्घाटन कार्यक्रममा वीरशम्शेरले भनेका थिए, ‘काठमाडौंका रानीपोखरीनिर हस्पिटल खोलिएको छ। औषधि नहुँदा रैतीले साह्रै दुःख पाउँदा रहेछन्, त्यसैले अस्पतालको स्थापना गरेको हुँ। रैती दुनियाँको एक पैसा खर्च नभै औषधि गर्न पाउने छन्।’

जनताको लागि अस्पताल बनाउन भन्दै एक जना मानन्धर थरका दातासँग वीर शम्शेरले ४८ रोपनी जग्गा मागी अस्पताल बनाएका हुन्।

अस्पतालबाट प्राप्त तथ्यांक अनुसार गत आर्थिक वर्ष २०८१/०८२ मा अस्पतालबाट कुल ६ लाख ४७ हजार २१५ जनाले बहिरंग सेवा लिएका छन। यो अनलाइनबाट सेवा लिएका नयाँ तथा पुराना बिरामीहरुको समेत तथ्यांक हो।

पछिल्लो समय वीर अस्पतालको टिकट काउन्टरलाई डिजिटलाइज गराइएको छ भने रिफर भएर आउने बिरामीको लागि छुट्टै विशेषज्ञ टिकटको व्यवस्था पनि गरिएको छ । दुईवटा सिटीस्क्यान मेसिन जडान भइसकेको छ । त्यस्तै एमआरआई सेवा सञ्चालनमा आएको छ । एबीजी सेवा, इमर्जेन्सीमा अत्याधुनिक मेसिन जडान भएको स्थापना दिवसका अवसरमा अस्पतालले जनाएको छ ।

अहिले जाइकाले वीर अस्पतालको नयाँ भवन बनाइदिएको छ। त्यस्तै ५०० शैय्याको नयाँ भवन संचालनमा आइसकेको छ। वीरमा सबैभन्दा पुरानो भनेको एउटा मात्रै पहेंलो भवन छ, जुन ६० वर्ष पुरानो हो।

वीर अस्पतालमा हाल करिव एक हजार शय्या क्षमताको भएको छ। भने झन्नै दुई हजार कर्मचारी कार्यरत रहेका छन्।