दुर्गा प्रसाईंलाई धरौटीमा छाड्न आदेश

काठमाडौँ/ १५ असाेज, साइबर अपराधको कसुरविरुद्ध पक्राउ परेका मेडिकल व्यवसायी दुर्गा प्रसाईंलाई धरौटीमा छाड्न अदालतले आदेश दिएको छ ।
साइबर ब्यूरोको अनुसन्धान प्रतिवेदनका आधारमा जिल्ला सरकारी वकिलको कार्यालयले उहाँविरुद्ध जिल्ला अदालत काठमाडौँमा मुद्दा दायर भएको थियो ।

सामाजिक सञ्जालमार्फत चरित्र हत्या गरेको कसुरमा उहाँविरुद्ध दुई वटा मुद्दा दर्ता भएको थियो । उहाँलाई विद्युतीय अपराधमा असोज ६ गते भक्तपुरस्थित उनकै निवासबाट पक्राउ गरिएको थियो ।
उहाँमाथि ५ वर्ष कैद र एक लाख रुपैयाँ जरिवानाको माग गरिएको थियो ।