दशैँको टिकाको लागि शुभ साइत सार्वजनिक

मुग्लान न्युज २०८१ आश्विन ५, शनिबार , प्रकाशित राष्ट्रिय | समाचार

काठमाडौं/ ५ असाेज, नेपाल पञ्चाङ्ग निर्णायक समितिले यस वर्षकाे विजयादशमी (दशैंको टीका) को साइत सार्वजनिक गरेको छ। समितिले शुक्रबार सूचना प्रकाशन गरेर सार्वजनिक गरेअनुसार असोज २६ गते बिहान ११ बजेर ३६ मिनेटमा टिका जमारा ग्रहणका लागिउत्तम रहेको जनाइएको छ । समितिका अनुसार साेही दिन बिहान ८ बजेर ३३ बजे देवी विसर्जन गरी ११ः३६ बजेको साइतमा मान्यजनबाट देवीको प्रसादका रूपमा टीका लगाउन सकिने छ ।
पूर्वी मोहडा गरेर टीका लगाउनुपर्ने पनि समितिले उल्लेख गरेको छ । विजयादशमीका दिन दिनभर टीका लगाउन सकिने भए पनि साइतमै टीका लगाउन चाहनेका लागि यो साइत दिइएको समितिले जनाएको छ ।
२०८१ सालको बडादशैसँग सम्बन्धित साइतहरू
१) वि.सं. २०८१ साल असोज १७ गते विहीबार – नवरात्रारम्भ, घटस्थापना – बिहान ९:१६ बजे ।

२) वि.सं. २०८१ साल असोज १८ गते शुक्रबार– झण्डा फेर्ने -बिहान ९:१४ बजे (पश्चिम मोहडा)

३) वि.सं. २०८१ साल असोज २२ गते मंगलबार – श्री पचलीभैरव यात्रा ।
४) वि.सं. २०८१ साल असोज २४ गते विहीबार– फूलपाती, श्री तुलजाभवानी यात्रा – बिहान ७:११ बजे, स्थिरासन – बिहान ८:४३ बजे
५) वि.सं. २०८१ साल असोज २५ गते शुक्रबार – महाष्टमी, कालरात्रि, महानवमी
६) वि.सं. २०८१ साल असोज २६ गते शनिबार – विजया दशमी, देवी विसर्जन – बिहान ८:३३ बजे, टीका बिहान – ११:३६ बजे (पूर्व मोहडा)
श्री तुलजाभवानी यात्रा – बिहान ११:५७ बजे, स्थिरासन – बिहान १२:३६ बजे, खड्गयात्रा ।
७) वि.सं. २०८१ साल असोज ३० गते बुधबार – अखिलबलिपूर्ति, कोजाग्रतव्रत ।

#चाडपर्व #दशैं

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।