त्रिभुवन विश्वविद्यालयको कार्यकारी परिषद्ले पायो पूर्णता, चार सदस्य नियुक्त

sasmita pathak २०८३ श्रावण १५, शुक्रबार , प्रकाशित समाचार

काठमाडौं । त्रिभुवन विश्वविद्यालय (त्रिवि) को कार्यकारी परिषद्ले पूर्णता पाएको छ। परिषद्का रिक्त सदस्य पदमा चार जना प्राध्यापक नियुक्त भएसँगै परिषद् पूर्ण बनेको हो।

त्रिविका प्रवक्ता नविन्द्रप्रसाद भण्डारीका अनुसार भूगोल केन्द्रीय विभागका प्रा.डा. कन्हैया सापकोटा, वनस्पति केन्द्रीय विभागका प्रमुख प्रा.डा. विजया पन्त, चिकित्सा शास्त्र अध्ययन संस्थानका डिन प्रा.डा. मोहनराज शर्मा तथा कानुन संकायका डिन प्रा.डा. डीएन पराजुली कार्यकारी परिषद् सदस्यमा नियुक्त भएका छन्।

त्रिभुवन विश्वविद्यालय ऐन, २०४९ (संशोधन २०७७) अनुसार कार्यकारी परिषद्को अध्यक्ष उपकुलपति रहने व्यवस्था छ। परिषद्मा शिक्षाध्यक्ष, अध्ययन संस्थानका डिनमध्येबाट एक जना, संकायका डिनमध्येबाट एक जना तथा विश्वविद्यालयका शिक्षकमध्येबाट दुई जना सदस्य रहने कानुनी व्यवस्था रहेको छ।

ऐनअनुसार रजिस्ट्रार परिषद्को सदस्य–सचिव रहने प्रावधान छ भने कार्यकारी परिषद्का सदस्यहरूको नियुक्ति त्रिवि सभाबाट अनुमोदन गरिने व्यवस्था गरिएको छ। नियुक्त सदस्यहरूको कार्यकाल दुई वर्ष रहनेछ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।