तीन दिने भारत भ्रमण सकेर स्वदेश फर्किए अर्थमन्त्री वाग्ले

sasmita pathak २०८३ आश्विन ४, आईतवार , प्रकाशित अर्थतन्त्र

काठमाडौं । अर्थमन्त्री स्वर्णिम वाग्ले तीन दिने भारत भ्रमण सम्पन्न गरी शनिबार साँझ स्वदेश फर्किएका छन् ।

बिहीबार भारत प्रस्थान गरेका मन्त्री वाग्लेले भ्रमणका क्रममा भारतीय अर्थमन्त्री निर्मला सीतारमण र विदेशमन्त्री एस जयशंकरसँग भेटवार्ता गरेका थिए ।

भेटका क्रममा मन्त्री वाग्लेले जलवायु न्यायका विषयमा भारतको सहयोग र साथका लागि आग्रह गरेका थिए । साथै, वर्तमान सरकार सुशासनप्रति प्रतिबद्ध रहेको उल्लेख गर्दै नेपालमा भारतीय लगानी बढाउन भारतीय पक्षलाई आग्रह गरेका थिए ।

विदेशमन्त्री जयशंकरसँगको भेटमा वाग्लेले आर्थिक तथा राजनीतिक सहकार्यका विषयमा छलफल गरेका थिए । भेटका क्रममा उनले भोटेकोशी क्षेत्रमा आएको बाढीपछि राहत तथा उद्धारका लागि भारत सरकारले गरेको सहयोगप्रति धन्यवादसमेत व्यक्त गरेका थिए।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।