चाडपर्वकाे सामाजिकसँगै मानवीय महत्त्व छ : गृहमन्त्री लेखक

काठमाडौं/१६ कातिक, गृहमन्त्री रमेश लेखक चाडपर्वकाे सामाजिकसँगै मानवीय महत्त्व पनि रहेकाे बताउनु भएकाे छ । शुक्रबार दिउँसो पर्वत चन्द्रागिरि समाजद्वारा दिपावली, नेपाल सम्मत र छठ पर्वकाे अवसरमा आयाेजित शुभकामना आदानप्रदान कार्यक्रममा उहाँले यस्ताे बताउनु भएकाे हाे ।
गृहमन्त्री लेखकले चाड पर्वले परिवार र समाजलाई जाेड्ने काम गरेकाे बताउनु भयाे । “मान्छेले बसाइँसराइ गर्ने भएकाले कामका कारण मान्छेहरु टाढा टाढा हुनुपर्छ । चाडपर्व नमनाए परिवारमा दुरी बढ्ने र आफ्नै नातागोतामा नै चिनजान नहुने स्थिति बन्थ्याे। चाड पर्वले मान्छेलाई नजिक ल्याउँछ ।  यसकाे समाजिकसँगै मानवीय पनि महत्त्व छ,”गृहमन्त्री लेखकले भन्नुभयाे ।
एउटा परिस्कृत समाज निर्माणका लागि जरुरी भन्दै चाडपर्वकाे अवसरमा जमघट र भेलाहरुमा उपस्थित हुने कुराकाे आफैंमा ठूलाे महत्त्व रहेकाे बताउनुभयो  । हाम्रा ऋषिमुनीहरुले धेरै ठूलाे अध्यापन र अनुभवपछि यी पर्वहरुकाे निर्माण गर्नुभएकाे उहाँको भनाई थियाे ।