क्षयरोग मुक्त अभियानकामा रामग्राम नगरपालिका

मुग्लान न्युज २०८१ असार ९, आईतवार , प्रकाशित स्वास्थ्य

नवलपरासी । रामग्राम नगरपालिकाले क्षयरोग मुक्त अभियान संन्चाल गरेको छ । अभियान अन्तर्गत पहिलो चरणमा महिला सामुदायिक स्वास्थ्य स्वयं सेविका र गाउँघर क्लिनिक सञ्चालन गर्ने स्वास्थ्य कर्मीहरुलाई क्षयरोग स्क्रिनिङ सम्बन्धि अभिमुकिकरण कार्यक्रम सञ्चालन गरिएको छ ।

हरेक वडामा क्षयरोग मुक्त अभियानको लागि वडा समिति गठन गरेर आफ्नो वडामा भएका क्षयरोग सम्बन्धि समस्याहरुलाई समाधान गरेर आउने दिनमा क्षयरोग मुक्त वडा बनाउनको लागि सुक्ष्म योजना पनि बनाइ नगरपालिका लागि परेको छ । रामग्राम नगरपालिकामा १८ ओटा वडा छन् । अहिलेसम्म १२ वटा वडामा सुक्ष्म योजना बनाएर सकिएको छ ।

क्षयरोग पहिचान, निदान, उपचार, रोकथाम र बिभिन्न जनचेतनामुलक कार्यक्रमहरु सञ्चालनमा खटाउनको लागि भनेर हरेक वडाबाट एक एक जना क्षयरोग मुक्त सामुदायिक स्वेमसेवक (टीबीएफसीभी) छनोट गरेर उनीहरुलाई क्षयरोग पहिचान, निदान, उपचार, रोकथाम समेटिएको बिभिन्न विषयवस्तुमा आधारित रहेर अभिमुखीकरण कार्यक्रम पनि सञ्चालन भईसकेको छ ।

रामग्राम नगरपालिका भित्रका सबै ११ हजार ४०७ घरधुरीमा टीबी एफसीभी परिचालन गरि समुदायमा रहेका क्षयरोगको लक्षण भएका व्यक्तिहरुको पहिचान गरि समयमै उपचारको दायरामा ल्याउने नगरपालिकाको लक्ष्य रहेको छ । त्यसका लागि आवश्यक योजनाका साथ नगरपालिका बढेको छ ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।