कोलम्बियामा वायुसेनाकाे विमान दुर्घटना हुँदा ६६ जनाकाे मृत्युु

sasmita pathak २०८२ चैत्र १०, मंगलवार , प्रकाशित विश्व

काठमाडौँ ।ल्याटिन अमेरिकी देश कोलम्बियामा वायुसेनाकाे विमान दुर्घटना हुँदा ६६ जनाकाे मृत्यु भएको छ । एयरफोर्सकाे हरक्युलस सी– १३० विमान टेकअपका क्रममा रनवेबाट करिब १.५ किलोमिटर टाढा गएर खसेकाे थियो । याे दुर्घटनामा थप ५० जनाभन्दा बढी घाइते भएका छन् भने ४ जना हराइरहेका छन्

दुर्घटनामा ५८ जना सैनिक, ६ जना वायुसेनाकर्मी र दुई प्रहरी अधिकारी मारिएका छन् । राेयटर्सका अनुसार कोलम्बियाई वायु सेनाका प्रमुख मेजर जनरल कार्लोस फर्नान्डो सिल्भाले विमानमा ११४ सैनिक र ११ जना चालक दलका सदस्य रहेको बताएका छन् । याे विमान भर्खरै मर्मत गरेकाले खराब पार्ट्सका कारण दुर्घटना नभएको बताइएको छ ।

याे दुर्घटना पेरुकाे सीमानजिक दक्षिणी अमेजन क्षेत्रकाे प्युर्टो लेगुइजामोमा भएको हाे । रक्षामन्त्री पेड्रो सान्चेजले विमान रनवेबाट १.५ किलोमिटर टाढा खसेकाे जानकारी दिएका छन् । कोलम्बियाका राष्ट्रपति गुस्ताभाे पेट्रोले सैन्य विमान दुर्घटना भएकोमा दुःख व्यक्त गरेका छन् ।

मुग्लान न्युजमा प्रकाशित कुनै समाचारमा तपाईंको गुनासो भए हामीलाई muglannews02@gmail.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने muglannews02@gmail.com मा सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।