कांग्रेस नेता बस्नेतद्वारा हेलम्बुको धापसुङ्गमा सामुदायिक भवनको उद्घाटन

हेलम्बु/ १२ मंसिर, नेपाली कांग्रेसका नेता एवम् पूर्वस्वास्थ मन्त्री मोहनबहादुर बस्नेतले आफ्नो निर्वाचन क्षेत्रमा निर्माण भएको सामुदायिक भवनको उद्घाटन गर्नुभएकाे छ ।
मंगलबार नेता बस्नेतले सिन्धुपाल्चोकको क्षेत्र नं. २ हेलम्बु गाउँपालिका वडा नं. ६ धापसुङ्ग टोलमा बनेको सामुदायिक भवनको उद्घाटन गर्नुभएकाे हाे । उहाँले जनताको दुःख, सुखमा सधैँ आफू सहयोगी बनेर आउने बताउनुभयाे ।
कार्यक्रममा आफ्ना मतदाताहरूसँग नेता बस्नेतले भलाकुसारी गर्नुभएकाे थियाे । उहाँले मतदाताको माग र गुनासाहरूको सुनुवाई गर्नुभयाे
नेता बस्नेतले मतदाताहरूको गुनासो र मागहरूका बारेमा जानकारी लिन बाक्लै निर्वाचन क्षेत्रमा आउने गर्नुभएकाे छ।