एनआरएन विवाद – शर्मा पक्षको रिट न्यायाधीश ढकालको इजलासमा पेशी

काठमाण्डौँ/ ३० भदौ ,गैर आवासिय नेपाली संघको आधिकारिकता विवादमा राजेन्द्रकुमार शर्मा पक्षले दायर गरेको रिट न्यायाधीश बालकृष्ण ढकालको इजलासमा पेसी तोकिएको छ।
शर्मा पक्षले आफूहरु आधिकारिक भएको दावी गर्र्दै भदौ २६ गते रिट दर्ता गराएका थिए । उक्त रिट यसअघि न्यायाधीश तिलप्रसाद श्रेष्ठको इजलासमा पेशी परेको थियो । उनले हेर्न नमिल्ने भएपछि स्थगीत भएर आइतबार पून पेशी तोकिएको हो ।
एनआरएनको विवादमा सर्वोच्चले यसअघि दुई फैसला सुनाएको थियो । ती फैसलापछि अन्योल भएको भन्दै शर्मा पक्षले तेस्रो मुद्दा दायर गरेका हुन् । यसअघि सर्वोच्चले बद्री केसी पक्षलाई काम गर्ने बाटो खोलेको थियो । उक्त फैसलाको विरुद्ध शर्मा पक्षले सर्वोच्चमा रिट दायर गरेको हो । आज सुनुवाई भएमा सर्वोच्चले दुवै पक्षले छलफलमा बोलाउने देखिन्छ ।