इन्स्पेक्टर शाही निलम्बित

काठमाडौँ/ ललितपुर,  बलात्कार मुद्दामा फसाइदिने भन्दै पैसा खाएको आरोपमा छानबिनमा रहेकी ललितपुरको भैंसेपाटी प्रहरी प्रभागकी प्रमुख इन्स्पेक्टर विनुकुमारी शाहीलाई गृह मन्त्रालयले निलम्बन गरेको छ।

स्रोतका अनुसार शुक्रबार मन्त्रालयले प्रहरी प्रधानकार्यालयको सिफारिसका आधारमा निलम्बन गरेको हो। उनलाई गत भदौ १० गते काठमाडौँ उपत्यका प्रहरी कार्यालयले जिम्मेवारीबाट हटाएको थियो।

घटनाको छानबिनका लागि ललितपुर प्रहरीका डीएसपी नरहरि आचार्यको संयोजकत्वमा छानबिन समिति बनाइएको थियो।हनी ट्रयापको घटनामा बलात्कारमा फसाइदिने भन्दै इन्स्पेक्टर शाहीले एक युवतीसँग मिलेर ३० लाख रुपैयाँ लिएको स्रोतले दाबी गरेको छ।