आन्तरिक असन्तुष्टि र मतभेदहरू अन्त्य गरेर तामाङलाई विजयी गराउन पूर्व मन्त्री बस्नेतको अनुरोध

दोलखा/ ३ मंसिर,नेपाली कांग्रेसको तर्फबाट दोलखाको गौरीशंकर गाउँपालिकाको उप–प्रमुख पदमा पासदिकी तामाङले उम्मेदवारी दर्ता गराएकी छिन् ।

आइतबार निर्वाचन कार्यालयमा तामाङले कांग्रेसका नेता तथा कार्यकर्ताहरूसहित पुगेर उम्मेदवारी दर्ता गराएकी हुन् ।

उम्मेदवारी दर्ता गराएपछि आयोजित चुनावी सभामा सम्बोधन गर्दै कांग्रेसका नेता एवम् पूर्वमन्त्री मोहनबहादुर बस्नेतले कांग्रेसबाट उप–प्रमुखको उम्मेदवार बनेकी पासदिकी तामाङलाई मतदान गरेर विजयी बनाउन अपील गर्नुभयो।

उहाँले कांग्रेसका नेता कार्यकर्ताहरूलाई आन्तरिक असन्तुष्टि र मतभेदहरू अन्त्य गरेर तामाङलाई विजयी बनाउन अनुरोध गर्नुभयो । उनले मतभेद र असन्तुष्टिहरूलाई चुनावपछि आन्तरिक छलफल गरेर मिलाउनुपर्ने बताउनुभयो ।

कार्यक्रममा नेपाली कांग्रेसका केन्द्रीय सदस्य एवम् बागमती प्रदेशका अर्थमन्त्री कुन्दनराज काफ्ले, केन्द्रीय सदस्य अजयबाबु शिवाकोटी लगायतका नेता कार्यकर्ताको उपस्थिति रहेका थिए ।