आजदेखि विधिवत रुपमा छठपर्व शुरु

काठमाडौं/२० कार्तिक,सूर्यको उपासना सहित मनाइने छठपर्व विधिवत् रुपमा आजदेखि शुरु भएको छ। नियम निष्ठाका साथ मनाइने गरिएको यस पर्वको पहिलो दिन आज व्रतालुहरुले ‘नहायखाय’ विधि अन्र्तगत आत्मशुद्धि गर्दै नियम निष्ठाका साथ शुद्ध भोजन गर्ने गर्छन् । लसुन र प्याज पनि नखाने, अरुवाअरुवाइन अर्थात् शुद्ध भोजन गर्ने गर्छन् । यसलाई ‘नहायखाय’ भनिन्छ ।चार दिनसम्म मनाइने यसपर्वको पहिलो दिन आज व्रतीहरुले नहा खा अर्थात् नुहाएर खाने गर्दछ । आज व्रतालुले जीउ चोख्याउने काम गर्दछन् । त्यस्तै पर्वको दोस्रो दिन बुधबार खर्ना मनाइनेछ। खर्नाका दिन व्रतीले दिनभरि उपवास निराहार बसेर राति छठ देवतालाई आगमनको निम्तो दिँदै कूल देवताको पूजा गर्नेछन् र राति अरवा अरबाईन [नुन नहालेको] खानेकुरा खाने चलन छ।
छठपर्वको मुख्य आकर्षण भनेको षष्ठी तिथिमा पोखरीको डिल वा नदी किनारमा पूजाका सामग्री राखेर अस्ताउँदै गरेको सूर्यलाई र भोलिपल्ट सप्तमी तिथिमा उदाउँदै गरेको सूर्यलाई अघ्र्य अर्पण अघ्र्य अर्पण गर्दै विधिवत् रुपमा पर्व सम्पन्न गर्नु हो ।
केही समय अघि मिथिला र तराई क्षेत्रको मात्र मनाइने यो व्रत पछिल्लो समय राजधानीमा समेत मनाउन थालिएको पाइन्छ । यसअर्थमा समायक्रम अनुसार छठ पर्व राष्ट्रिय पर्व नै बनिसकेका कारण राज्यले पर्वको दिन सार्वजनिक विदा समेत दिने गरेको छ ।