अनेसास नेपाल च्याप्टरद्धारा भानु जयन्तिमा विशेष काव्यगोष्ठी आयोजना

काठमाडौँ। अन्तराष्ट्रिय साहित्य समाज नेपाल च्याप्टरले २१२ औ भानु जयन्ती भव्यताका साथ सम्पन्न गरेको छ ।काव्य गोष्ठी गरेर मनाइएको उक्त भानु जयन्तिमा प्रमुख अतिथि साहित्यकार प्रा.डा राम प्रसाद ज्ञवाली प्रमुख अतिथि थिए ।
प्रमुख अतिथि ज्ञवालीले कविताको समिक्षात्मक टिप्पणी गर्दै कस्तो कृति लेख्ने, भानुभक्तलाई कुनकुन कोणबाट समीक्षा गर्ने लेखकले कस्तो लेख्नुपर्छ भन्ने कुरा अभिव्यक्त गरेका थिए ।

कार्यक्रममा भानुको नेपाली भाषा साहित्यमा गरिएको योगदानको चर्चा, भानु सम्बन्धि कविता, भानुभक्तीय रामायणका श्लोकको वाचन गरिएको थियो। कविहरु अनेसास केन्द्रिय सदस्य सुमन वर्षा, पूर्व केन्द्रिय उपाध्यक्ष डा रेणुका सोलु (शुभकामना )डा शसी पण्डित ,भवानी खतिवडा, रुपा रिसाल ,मन्जिला अनिल, कमला रिसाल, डिआर राई, शान्ति रिसाल,द्वारिका कुईकेल, शुसिलाखडका हसिना, ईन्दिरा ढकाल, डा शान्तिमाया गिरी, सुचिता काफ्लेलगायतले कविता वाचन गरे ।
महासचिव रन्जना निरौलाले सञ्चालन गरेको उक्त कार्यक्रम अनेसास नेपाल च्याप्टरको अध्यक्ष राजेन्द्र के सीको सभापतित्व र उपाध्यक्ष मन्जिलला अनिलले स्वागतमा सम्पन्न भएको थियो ।